Bon biní na Korrrsou:
E Guia di Kòrsou pa yuda abo Redusí, Reusá i Resiklá
Huntu nos por hasi un esfuerso chikí pa un impakto duradero — paso kada un desishon korrrekto ta hasi un diferensia!
Kòrsou ta kla pa un kambio. Ku e oumento di retonan di desperdisio i espasio limitá na landfill, ta tempu pa nos dal pasonan grandi pa un isla mas limpi i mas sirkulá. Nos mishon ta pa alkansá kambio real dor di hasié mas fásil pa bo Redusí, Reusá i Resiklá. Sea ku bo ta un residente, skol, negoshi òf un grupo den nos komunidat; esaki ta bo sentro pa haña hèrmèntnan práktiko, puntonan di resiklahe lokal, i historianan inspirativo di kambio.
Huntu, nos por konstruí un Kòrsou mas limpi i sirkulá, kaminda shushi ta bira oportunidat, i sostenibilidat ta nos segunda naturalesa.
E wèpsait aki ta sirbi komo un sentro pa duna bo e hèrmèntnan, tepnan i motivashon pa yuda bo manehá bo shushi korektamente. E rekursonan disponibel lo yudabu separá i redusí bo desperdisio, pensa dos biaha kiko bo ta tira afó, i hasi un eskoho pa un futuro mas sostenibel pa abo i e generashonnan ku ta bini despues di bo.
Bo ke djòin e movementu di KoRRRsou i ta puntra bo mes unda pa kuminsá? Nos Guia di Desperdisio ta bo rekurso pa deshasí di desperdisio na un manera sostenibel riba henter nos isla. Nos a pone tur e informashon huntu ku abo tin mester, dunando bo e stapnan korekto pa maneho di desperdisio na Kòrsou. Nos lo yuda bo sorteá na un manera mas sabí, resiklá korektamente, i redusí loke ta bai den landfill.
Sea ku bo ta un residente òf doño di un negoshi, e guia aki ta hasi’é fásil pa tuma e eskoho koRRRekto kada bes..
⚠️ Dùmpmentu di shushi i kontaminashon ilegal ta perkudiká nos medio ambiente. Ora bo deshasí di shushi na un manera apropiá, bo ta yuda protehá naturalesa, nos salú i futuro generashonnan.
