leaRRRning lab
Bo ke siña mas tokante e 3 R’s den maneho di desperdisio? Kuminsá ku e-learningnan aki, ku ta interesanto pa chikitu i grandi.
Eduka bo mes ku nos videonan i tepnan di DYI i inskribí pa e eventonan benidero. Siña tur loke bo mester tokante Redukshon, Reuso i Resiklashon di shushi.
TRRRansformando desperdisio pa balor
Bo ke sa dikon nos mester traha kohuntamente riba redukshon di nos desperdisio? Wak e video aki tokante e proyekto ‘Transforming Waste to Value’ i siña mas tokante e dikon!
‘Shushi’ òf ‘Dushi’?
Un esfuerso chikí por hasi un diferensia grandi... wak nos videonan i teps, pa asina bo por sa fásilmente kiko bo por hasi ku por hasi un impakto mesora.
Chèk nos series kòrtiku nombrá ‘Shushi of Dushi’ pa siña mas ki esfuersonan chikí bo por hasi, ku tin un impakto grandi ora ta trata di shushi.
Klek pa siña mas tokante di kompost
Skolnan sekundario i studiantenan
Curaçao Clean Up a desaroyá e promé kuríkulo edukativo riba shushi i sostenibilidat pa hóbennan na Kòrsou.
Ku “Di Shushi pa Dushi,” studiantenan di 13 pa 16 aña ta siña na un manera práktiko i relatabel kiko ta desperdisio, kon nos por baha esaki, i kiko nan por hasi pa krea un isla mas limpi.
E kuríkulo ta inkluí videonan kòrtiku na Papiamentu (ku suptítulo na Ingles) i lèsnan na Hulandes i Papiamentu. Tur kos a wòrdu produsí lokalmente, ku grabashonnan na Kòrsou, pa e hóbennan sinti nan mes berdaderamente konektá. Pa mas informashon bishitá CCU su wèpsait:
Kuríkulo edukativo nobo: “Di Shushi pa Dushi”
E programa edukativo aki di Greenkidz ta hisa konsientisashon di medio ambiente bou di hóbennan i ta siña nan tokante desperdisio, resiklahe, i e problema di plèstik den laman. E ta enkurashá nan pa brasa un estilo di bida sostenibel basá riba e prinsipionan di Redusí, Reusá, Resiklá i Nenga. (Hulandes/papiamentu).
World without waste
Greenkidz a desaroyá e programa di charla di 8 parti aki den kolaborashon estrecho ku Universidat di Kòrsou (UoC) pa e materia di LOFO Naturalesa, Medio Ambiente, i Teknologia (NMT). E ta hisa konsientisashon di medio ambiente bou di studiantenan i maestronan i ta eduká nan tokante plèstik i resiklahe. Ademas, e ta introdusí métodonan didáktiko moderno i ta pasa e filosofia i materialnan di enseñansa di GreenKidz pa maestronan di e siguiente generashon. (Hulandes).
Green teachers
FoRRR kids!
Amigu Chloe, Camilo i Tito e Turtuga di Green Phenix lo hiba bo riba un aventura pa siña tokante polushon di plèstik i e maneranan ku nos por solushoná e problema aki.
Plastic Wise
E programa edukativo aki di Greenkidz ta siña muchanan tokante di plèstik, resiklahe,medio ambiente, kiko e ta i kon nan por yuda kuid’e. E ta eksplorá e konseptonan di desperdisio i shushi, i tambe e tempu di deskomposishon di desperdisio orgániko, karton, glas, plèstik i aluminio. E programa ta pone un enfoke fuerte riba plèstik den oséano, mustrando kon dañino sushi di plèstik ta pa mata, bestia i hende, i kon muchanan mes por hasi un diferensia dor di resiklá plèstik.
Resiklahe di plèstik